Республика болалар ижтимоий мослашув маркази Ахборот консалтинг хизматида алоҳида эҳтиёжли болалар билан шуғулланишда қум терапиясидан ҳам унумли фойдаланилади.  Қум терапияси болалардаги тасаввур оламини ривожлантириш, ҳис этиш, сезги ва ҳаракат координациясини ривожлантириш, асаб тизимининг қўзғалишини бартараф этиш  ҳамда болаларда психофизик кескинликнинг олдини олишга ёрдам беради. Қум терапияси хонасида мутахассис боланинг яқинлари билан биргаликда машғулот олиб боради, бу эса ўзлаштирилган малакани уйда давом эттириш имконини беради.