Республика болалар ижтимоий мослашуви маркази “Алоҳида иқтидорли болалар муаммоларини ўрганиш” бўлими ходимлари томонидан марказимизнинг Ахборот-консальтинг хизмати  бўлимига қатновчи болалар ва уларнинг ота-оналари  билан  арт-терапия машғулотлари ўтказилди.

Машғулотларни “Араббаевна арт” студиясининг моҳир усталари  гипсдан буюмлар ясаш  бўйича Муслима  Шукурова  ҳамда  интерьер-картина  чизиш бўйича Фаррух Мамадиёров олиб бордилар.

Арт-терапия  машғулотлари давомида  алоҳида эҳтиёжга эга бўлган  болаларнинг кайфияти яхшиланади,  асабий ва руҳий зўриқиш енгиллашади, шахслараро хулқ-атвор, ўз-ўзини ҳурмат қилиш шаклланади, тасаввур, эстетик тажриба, ижодий ўзини намоён қилиш ривожлантириб,  ижодий қобилиятлари ортади.

Фарзандлари билан иштирок этган ота-оналар жигаргўшаларининг расмлар чизиш, бўяш, ясаш ишларида бажонидил ҳаракат қилаётганларини кўриб, машғулотлардан қаноат ҳосил қилдилар ва бундай машғулотларнинг давомли бўлишига тилак билдирдилар.