Республика болалар ижтимоий мослашуви марказининг Фарғона минтақавий филиалида эзгулик ва нафосат тимсоли, пок туйғулар, улуғ ниятлар айёми бўлмиш Наврўзи байрами нишонланди. Тадбирда филиалга қатнаётган болажонлар шеър ва қўшиқлар ижро этдилар, ходимлар ўзбек миллий урф-одатларини акс эттирувчи саҳна кўринишларини тайёрладилар, миллий лапарларни куйладилар. Фарғона давлат университети талабалари томонидан тайёрланган флэш-моб эса байрамга кўтаринки руҳ бағишлади. Болаларга байрам совғасини улашишга муносиб ҳисса қўшган ҳомий Тошкент шаҳридаги “Bek school” хусусий таълим муассасаси жамоаси ва ўқувчиларининг ўзлари ҳам болажонлар ва ота-оналарнинг юзларидаги қувончни кўриб, шодландилар.