Мактабгача таълим ташкилотлари келажагимиз бунёдкорларини ижтимоий ҳаётга мослашишга замин ҳозирлайдиган дастлабки муассасалардан бири ҳисобланади. Халқ депутатлари Тошкент шаҳар Кенгаши депутати, Ўзбекистон Экологик партияси аъзоси, В.С.Алимова 30 март куни 300 – сонли давлат мактабгача таълим ташкилотида бўлиб, мамлакатимизда рўй бераётган ислоҳотлар, келажак учун олиб борилаётган сиёсат натижаси сифатида Конституциямизга киритилаётган ўзгартиришлар ва қўшимчаларнинг моҳияти юзасидан ўз фикрларини билдирди. Унга кўра давлат мактабгача таълим ва тарбияни ривожлантириш учун шарт-шароитлар яратиши, давлат бепул умумий ўрта таълим ва бошланғич профессионал таълим олишни кафолатлаши хакидаги нормаларга алохида тўхталиб ўтди.