“Қушларни асраймиз”
Республика болалар ижтимоий мослашуви маркази ва Ўзбекистон Экологик партияси Тошкент шаҳар партия ташкилоти томонидан ҳамкорликда ўтказилаётган “1 апрель – Халқаро қушлар куни” муносабати билан “Қушларни асраймиз” мавзусидаги экологик тадбири марказ ходимлари, бу ерда реабилитация курсларини ўтаётган болалар ва уларнинг ота-оналари учун маърифий-кўнгилочар тадбир бўлиб,  қушларнинг турлари, уларнинг хилма-хиллиги ва сонини сақлаб қолиш учун, аввало, ёввойи қушлар уя қурадиган жойларни бузиш нотўғри эканини, аксинча, дарахт экиш, қушлар учун уялар қуришни ёш авлод онгига сингдириш учун хизмат қилади. 
Тадбирни Республика болалар ижтимоий мослашуви маркази директори, Ўзбекистон Экологик партияси аъзоси, Тошкент шаҳар Халқ депутатлари Кенгаши депутати Васила Алимова кириш сўзи билан очиб берди. Кейин Олий Мажлис Қонунчилик палатаси депутатлари Ольга Литвинова,  Дилбар Усманова, “Индиго” ННТ бошлиғи Павел Волков  Ўзбекистон Экологик партияси Тошкент шаҳар Кенгаши раиси С.Т.Файзиевалар сўзга чиқдилар.
Тадбир давомида меҳмонлар марказ ҳовлисининг баҳаво ҳудудида болалар билан биргаликда расмлар чизадилар, совринли ўйинлар ўтказадилар. Тадбир якунида болаларга совғалар тақдим этилди, ширинликлар тарқатилди.
Болаларда экологик маданиятни шакллантириш, экологик бурчни ривожлантириш билан қушлар наслини давом эттиришига хизмат қилган, табиат кўрки бўлмиш жажжи жонзотлар йўқ бўлиб кетишининг олдини олган бўламиз; ўсимликлар ва дарахтлар хилма-хиллигини  сақлаб қоламиз, ҳайвонот дунёсининг келажак авлодга хизмат қилишига ҳисса қўшамиз. Бугунги тадбир ҳам шундай эзгу ишларнинг дебочасидир. Зеро, кичик тадбирлар йирик мақсадларга эришиш учун замин яратишини унутмаслигимиз лозим.

 

Батафсил