Хайрия! Халқимизга хос қадрият. Шундай инсонлар борки, савобли ва хайрли ишларни ўзига одат қилиб доим яхшилик улашишни ҳоҳлайди. Хайриянинг турли кўринишлари мавжуд, лекин, у мақсадли ва манзилли бўлса нур устига аъло нур. Ўзбекистон Республикаси Адлия вазирлиги Юристлар малакасини ошириш маркази қошида Республика болалар ижтимоий мослашуви маркази билан ҳамкорликда 2020 йил 16 январь куни ногиронлиги бўлган болалар ва уларнинг ота-оналари томонидан тайёрланган ижод намуналаридан ташкил топган “БИЗ БИРГАМИЗ” номли хайрия кўргазма савдоси ташкил этилди. Хайрия тадбири давомида Республика болалар ижтимоий мослашуви маркази “Ахборот-консалтинг хизмати” қошидаги “Ота-оналар”клубининг фаол ота-оналари ва уларнинг фарзандлари, Тошкент шаҳридаги 25, 87-сонли имконияти чекланган болалар учун ихтисослаштирилган мактаб педагогик жамоаси ва ўқувчилари ҳамда кўнгилли имконияти чекланган болалар иштирок этишди. Дастлаб Юристлар малакасини ошириш маркази профессор-ўқитувчилари, тингловчилари учун болалар томонидан тайёрланган қўшиқ, рақс санъатидан намуналар намойиш этилди.

Фарход Камилов

Республика болалар ижтимоий

 мослашуви маркази бош мутахассиси