Бугунги кунда Ўзбекистонда ижтимоий соҳа ходимларининг фаолиятини ривожлантириш масаласи жамиятимизда ижтимоий ҳимоя тизимини такомиллашувига эришишнинг муҳим томонларидан  бири  сифатида қаралмоқда.

     Кенг жамотачилик иштирокида ўтказилган ушбу тадбирда ижтимоий иш ходимларини тайёрлаш ва уларнинг салоҳиятини оширишга қаратилган муҳим масалалар муҳокама қилинди.

     Давра суҳбатида ҳалқаро экспертлар томонидан хорижий давлатларда ижтимоий иш ходимларининг фаолиятини ривожлантириш борасида олиб борилаётган ислоҳатлар тўғрисида мисоллар келтирилди. Шу билан бирга, Ўзбекистонда ҳам ижтимоий иш ходимларини тайёрлаш ва ушбу соҳани такомиллаштириш борасида етарлича шароитлар яратилганлиги тўғрисидаги фикрлар билдирилди.

     Тадбир иштирокчилари Ўзбекистонда ижтимоий фаолият соҳасида профессионал кадрларни тайёрлаш масаласини кучайтириш бўйича турли таклиф ва тавсияларни кўриб чиқдилар. Шунинггдек, ижтимоий ҳимоя тизимида фаолият олиб борувчи мутахассисларнинг ижтимоий иш амалиёти бўйича малакаларини ошириш ва ижтимоий иш бўйича ўқув курсларни ташкил этиш масалалари юзасидан муҳим бўлган ташаббуслар муҳокама қилинди.

     Анжуманда Республика болалар ижтимоий мослашуви маркази вакиллари хам фаол катнашдилар.