“Ғалаба боғи”даги фестивалда иштирок этдик

Жорий йилнинг 2-4-май кунлари шаҳримизнинг “Ғалаба боғи”да мудофаа соҳасида инновацион технологиялар кўргазма-фестивали бўлиб ўтди. Ушбу фестивалдан мақсад корхона ва ташкилотларнинг ўз маҳсулотлари билан иштирок этиб, оммани замонавий технологиялар, металлургия, кимё саноати ҳамда тўқимачилик соҳасидаги янгиликлардан хабардор этиш эди.  Кўргазмада кўплаб ногиронликка эга бўлган хунармандларнинг ишлари хам тақдим этилди. Республика болалар ижтимоий мослашуви маркази қошида фаолият юритаётган “Ижодий устахона” ҳам фестивалда болажонларимизнинг ўз қўллари билан тайёрланган маҳсулотлари ва ижод намуналари билан фаол иштирок этди.