Ўзбекистон Республикаси Олий Мажлисининг ННТ ва ФЖБИларини қўллаб-қувватлаш Жамоат фонди томонидан молиялаштирилаётган ва РБИММ томонидан амалга оширилаётган “Касб ҳунарга муваффақиятли йўл” Давлат ижтимоий буюртмаси доирасида Тошкент шаҳридаги 103 – сонли ва Марғилон шаҳридаги 22 – сонли ихтисослаштирилган мактаб интернатларининг технология фани дарсхоналарининг моддий техник базаси ҳолати жойига чиқиб ўрганилди.

Мактаблар рахбарияти, педагоглари ва тарбиячилари билан учрашув ташкил қилиниб, болаларга ўргатилаётган касблар билан танишилди, болалар билан мулоқот ўтказилди.

Мавжуд холатни ўрганиш ва педагоглар фикрига асосланиб, касбхоналар учун зарур бўладиган замонавий асбоб-ускуналар рўйхати белгиланди.

Шунингдек, педагоглардан иборат муаллифлар гуруҳи услубий қўлланма юзасидан маслахат кенгаши ўтказдилар.